Jú jú, það er satt, stelpan er komin með tölvu þökk sé Landsbankanum og Dell

Var að tengja mig þráðlausa netinu hérna í skólanum þannig að nú verður sko ekkert fylgst með í tímum heldur alltaf hangið á netinu múhahaha......

Annars er það að frétta að við erum fluttar. Fluttum úr 105 m2 íbúð í 25 m2 herbergi og deilum baði og eldhúsi með annarri stelpu. Ég og Halla erum búnar að þurfa að deila herbergi núna í næstum 2 vikur en í næstu viku þá flytjum við í 2. herb. kollegie íbúð og þá getur lífið haldið áfram sinn vanagang. Það þurfti svo sannarlega mikla skipulagshæfileika til að koma öllu dótinu fyrir í þessu litla herbergi en það tókst þó svo að við séum báðar með "queen size" rúm, eiginlega er herbergið bara 1 stórt rúm, þar er borðað, þar er horft á sjónvarpið, þar er lært og þar er sofið o. s. frv. Bara voða kósý.
Við skruppum til Köben seinustu helgi. Mamma kom í smá helgarheimsókn og tími til komin að fara að heimsækja Regínu og Bjössa í höfuðborgina. Þetta var nú samt bara voða róleg helgi, mikið drukkið kaffi og borðað og að sjálfsögðu kom mamma með ísl. lambalæri og fullt af nammi og svo horfðum við á Júróvisjón gegnum netið, áfram Silvía Nótt!!!

Svo klukkaði Halla mig fyrir löngu síðan þannig að ég verð víst að fylla það út:

4 störf sem ég hef unnið um ævina:

• Við Voginn, þar sem minn starfsferill byrjaði af einhverju viti
• Hótel Framtíð, alls kyns störf þar
• Argentína steikhús, Café Borg
• Landsbankinn

4 kvikmyndir sem ég gæti horft á aftur og aftur:

• Dirty Dancing, á nebblega svo vel við mig ;)
• Pretty Woman
• Dumb and Dumber
• The Boondock Saints

4 staðir sem ég hef búið á:

• Djúpivogur, það sem ég mun alltaf kalla "heima"
• Kópavogur
• Þorlákshöfn
• Århus

4 sjónvarpsþættir sem mér líkar (erfið þessi því það þarf yfirleitt bara að vera sjónvarp og þá er ég sátt!)

• SEX AND THE CITY ekkert getur slegið þessa þætti út
• Desperate Houswives
• Friends
• Fraiser

4 staðir sem ég hef heimsótt í fríi:

• Margir staðir á Spáni
• Krít
• England
• Fullt af stöðum í Danmörku

4 matarkyns sem ég held uppá:

• Kjúklingurinn klikkar ekki
• Hakk og spaghetti, Lasagna, einfalt og gott
• Íslenskt lambalæri aaaarrrrgggg........
• Harðfiskur og smjör (annars er ég algjör sælkeri og ekki mikið sem mér ekki líkar)

4 staðir sem ég vildi heldur vera á núna:

• Heima á Djúpavogi kannski í sundi eða bara að hanga á sjoppunni í góðum félagsskap :)
• Dubai, Qatar eða Óman, virka eins og draumastaðir
• Einhvers staðar í Frakklandi helst S-Frakklandi, hefur alltaf langað að koma þangað
• Bara einhvers staðar að sleikja sólina, það er nóg fyrir mig

4 aðilar sem ég klukka:

• Er bara ekki með neinn í huga því það er svo langt síðan þetta byrjaði að og hlýtur að vera farið hringinn og eitthvað nýtt byrjað.

Hef ekkert meira að segja í bili, ætla að fara niðrí bæ og kaupa mér einhverja geðveikt flotta og pæjulega tölvutösku, bless í bili og góða helgi.

Ma´sallama, Ragna